TACLOBAN CITY – Nakit-an nga patay ha magkaiba nga lugar an usa nga magtiayon ha Calbayog, Samar.
Una nga nakit-an nga waray na kinabuhi hi Jade Andrei Bestudio, usa nga engineering student, ha drainage canal ha Brgy. San Policarpio, Calbayog alas 10:30 han aga kakulop, Hunyo 14.
Sunod naman nga nakit-an an patay nga lawas han uyab hini nga hi Roan Jeallen Lamparas, usa nga secondary school teacher, ha banwaon nga parte han diversion road pakadto ha Brgy. Guinba-oyan Norte han Calbayog.
Pira nga mga unconfirmed reports an nagsisiring nga han Hunyo 13 han gab-i, nagwithdraw hin kwarta ha ATM hi Lamparas para han ira pangaon kaupod an iya mga co-teachers ngan mahuman an ira dinner in ginsundo o ginkuha ini han iya uyab nga hi Bestudio.
Ha mao nga oras urhi nga nakit-an nga magkaupod an duha.
Ha pagkayana in padayon pa an imbestigasyon han mga kapulisan bahin han mao nga insidente.
