TACLOBAN CITY- Arestado ang mag-asawa nga ginkokonsidera nga high rangking communist terrorist group dinhi ha Sinirangan Bisayas ha gindumara nga magkabulag nga operasyon han mga otoridad ha Brgy. Guisad Baguio City.
Ginkilala an mga ine kanda Terrence Eder Jr. Matiga, ngan asawa hine nga hi Annalyn Eder Sacan, ngan mga residente han Brgy. 88 San Jose Tacloban City.
Sumala kan Capt. Jefferson Mariano, Division Public Affairs Officer, 8ID Philippine Army, nga nadakop an mga ine ha Baguio City pinaagi han pinahugot nga mga pakikipagsumpayan, ngan sugadman an mas pinakusog nga programa han NTF-ELCAC.
Dugang pa ni Mariano, hi alyas Anjo\Islao o mas kilala nga Terrence, in anay sekretarya han Sub-Regional Committee Emporium of Eastern Visayas Regional Party Committee.
Samtang, an asawa naman hine nga hi alyas Anya\ Ninya o mas kilala nga Annalyn Eder, in anay Educational Officer and Finance Officer of Sub-Regional Committee Emporium of Eastern Visayas Regional Party Committee.
An mga ine in mayda anay mga kaso nga pagtalapas ha Section 4 of RA 11479, Anti- Terrorism Act of 2020 and for the crime of arson.
An pagkaka-aresto han mag-asawa in resulta han pinahugot nga paniguro han gobyerno ha ira sinumpaan nga trabaho, partikular na an pagpuypoy han terorista nga kanser hiton pag-ursa han nasud.
