TACLOBAN CITY – Maabot ha 27 nga passenger van ngan 6 nga bus an nadakop han mga tinaglawas han Land Transportation Office (LTO) Regional Office 8 ha Sinirangan Bisyas.
Kaparte ini han mas guinpahugot nga operasyon han LTO alakontra ha mga kolurom nga mga pamapsahero nga sarakyan ha magkadirudilain nga parte han rehiyon.
Guinmalatumat ni Regional Director Edgar Catarungan han LTO nga guindakop an mao nga mga sarakyan mahitungod han waray guinpagawas nga katugutan han Land Transporation Franchising and Regulatory Board (LTFRB).
Dugang pa hini nga may kabaraydan nga P200,000.00 an hin-o man nga madakop nga nag ooperate hin kolurom nga sarakyan.
Samtang, nanawagan naman ha publiko an tagmagulo han LTO nga maging mabinantayon alakontra ha mga diri otorisado nga mga pampasaheruan nga sarakyan para na guihapon ha seguridad han mga ini inkaso nga magkamay-ada hin remalaso.
