EASTERN SAMAR – Nananawagan an Land Transportation Office (LTO) Eastern Samar ha publiko, partikular na ha mga nagtatag-iya hin motorsiklo nga waray pa pakakuha hin plaka tikang han 2014 ngada han 2017, ngan ha mga nairehistro tikang han Nobyembre 2019 ngada Disyembre 2020.
Sumala kan Lorna O. Abella, Chief han LTO Eastern Samar, nagpapadayon yana an distribusyon han mga abilable nga plate number para han mga motor nga rehistrado ha Region 8.
Ginklaro gihapon ni Abella nga an mga plaka nga ginhahatag yana in para la han mga motorsiklo nga ginrehistro ha Region 8.
Adton mga plaka nga para ha mga sarakyan tikang ha Manila in kinahanglan didto liwat mismo ha lugar kuhaon.
Gin-aaghat naman LTO an mga tag-iya hin motor nga apektado han backlog nga bumisita ha ira opisina basi makuha na an ira plate number. (via Bombo Shiela Encio)
