TACLOBAN CITY-Ginpahibaro han pamunuan han LTFRB Regional office 8 nga naghuman na an ira Libreng Sakay para han mga indibidwal nga nag-uukoy dinhi ha syudad, magin ha mga nabiyahe pa Samar ngan Leyte.
Sumala kan Verunica Reposar, OIC Chief han Transport Department Office han LTFRB regional office 8, nga opisyal nga naghuman an libreng sakay han nakalabay pa nga Hunyo 30, yana nga tuig.
Mababaruan nga temporaryo la anay nga gin-undang an libreng sakay matungod nga human na an pondo han Bayanihan 2 ha mao nga programa. Hapagkayana in mayda ginhuhulat an pamunuan han LTFRB 8 nga pondo agud nga mapadayon an mao nga libreng sakay pero ini in for approval pa.
Waray naman hini igmalatumat kun san-o an iksakto nga petsa han utro nga pagbalik han libreng sakay para ha mga taga rehiyon 8.
