BASAHA | Ginpagawas na han LTFRB Region 8 an ira pahayag kasumpay han nahitabo nga vehicular accident ha Brgy. Balud, Sitio Sugpuron, Basey, Samar.
Kasumpay hine, nag-isyu na hira hin 30 ka adlaw nga preventive suspension order sakop an mga units ha apektado nga prankisa, kalakip an sarakyan nga nahiupod ha insidente.
Magpapabilin naman an nasabi nga pagsuspendi samtang nagpapadayon an imbestigasyon ngan compliance verification process.
Gin-require naman han ahensya ha operator han nahiupod nga unit nga igpailarom an ngatanan nga driver sakop hiton prankisa ha drug testing, umatender hin Road Safety Seminar, ngan igpa-inspek an ngatanan nga sarakyan agud nga madetermina an ira road ngan mechanical worthiness.
Nag-koordinar naman an nahiupod nga operator nga maghatag hin medical ngan hospitalization assistance para han mga nasamaran nga biktima, ngan extended support ha mga pamilya han mga biktima, kalakip an assistance para han mga funeral arrangements han mga naawat hin kinabuhi.
Dugang pa hine, gindirekta han LTFRB an relevant insurance provider agud nga dayon maproseso ngan ma-release an mga passenger insurance claims para han ngatanan nga biktima han insidente. Sumala naman kan Ms. Cecil Catoy ahn PAMI, nga igproproseso ngan igdi-disburse an mga ine ha pinaka sayo nga oras, subay ha mga legal ngan policy requirements.
