TACLOBAN CITY– Ginpaangbit han Leyte Police Provincial Office, nga ginpakurukusog pa nira an ira Community Engagement ha komunidad kontra krimenalidad.
Sumala kan Leyte Police Provincial Office, Information Officer PCPT. Hazel Vacal, in gihapon in alinsunod ha ira pakiki-usa han kahuhuman la nga National Crime Prevention Week, tinikangan han Sept.1-7, 2025.
Dugang pa ni Vacal, an tema han nasabi nga National Crime Prevention Week, in “Pinalakas na Pamahalaang Lokal para sa Ligtas na Pamayanan: Pagpapatibay ng mga Programa sa Pag-iwas sa Krimen sa ilalim ng Community and Service-Oriented Policing System (CSOP).”
Ginmalatumat pa hine, nga an panuyo han nasabi nga selebrasyon in maiduso an importanysa nga papel han local nga pangobyernuhan ngan komunidad, kasugbong an Philippine Nation Police, ha pagbug-os han mas talwas ngan mahimyang nga komunidad.
Pinaagi mangud han CSOP approach, ginpapagdig-on hine an patapod nga pagkakamayda hin kadagmitan nga kabatunan ha paglikay han krimen, ngan pakikigbinuligay han kapulisan ngan komunidad para ha serbisyo publiko.
