TACLOBAN CITY – Gin-isa an Local Red Tide Warning ha duha nga baybayon ha Sinirangan Bisayas kun diin gindidire laanay an pagkuha ngan pagkunsomo han mga panti-on ngan hipon ha mao nga mga kadagatan.
Sumala kan Christine Gresola, Information Officer han Bureau of Fisheries and Aquatic Resources VIII, nga sumala han ira sea water level sample nga nagpositibo an baybayon han Irong-Irong bay ha Catbalogan City ngan Matarinao Bay ha Eastern.
Dugang pa han opisyal, nga ha ira naman ginbuhat nga shellfish meat sample in nakita nira nga waray may nagpositibo nga mga babayon ha rehiyon hin paralytic shellfish poisoning sanglit waray hira nagpalusad hin shellfish ban.
Ha luyo hini nagpahimatngun hi Gresola, labi na an mga lugar kun diin apektado han Local Red Tide Warning, nga kun mahihimo likayi ngan ayaw laanay pagbaligya, pagtransport, ngan pagkunsumo hin mga panti-on ngan alamang o hipon.
Samtang, ginklaro naman hini nga ha luyo hiton Local Red Tide Warning in talwas naman kaonon an mga isda, alimango, ngan pasayan tikang ha mga nasabi nga baybayon siguraduhon la nga maupay iton pagkakalimpiyo ngan pagkakaluto han mga ini.
