TACLOBAN CITY–Gintudlok an kakulangan ha mga gamit nga usa nga problema han pira nga mga magturutdo ha Sinirangan Bisayas.
Sumala kan Edgardo Carola, usa nga magturutdo hiton Music, Arts, Physical Education, and Health (MAPEH) ngan Level 6-10 Social Studies nga ha iya pagtudto han ROTC, nakaabat hiya hin kakulangan ha kuryente ngan lingkoran, kawarayan hin internet, ngan nakakita gihapon hin danyos ha mga struktura.
Dugang pa hine, in mayada gihapon kakulangan hiton mga elektroniko nga gamit sugad hiton projector, computer, ngan laptop.
Nanawagan naman hi Carola ha Deparment of Education (DepEd) nga tagan hin atensyon an kakulangan ha mga gamit mahitungod mas makakag-aram an mga estudyante ngan dire na magkukuri an mga magturutdo kun kumpleto an mga resources.
