TACLOBAN CITY – Naaresto han mga otoridad an gintutuuhan nga goons ha Barangay Bool West, Culaba, Biliran.
Ginkilala an mga nadakop nga hira Rommel Garin, 45 anyos, residente han Sitio St. Joseph, Cabibihan, Caibiran; Rosalito Lariosa, 34 anyos, residente han Sitio of St. Joseph, Cabibihan, Caibiran; Jaylord Mahinay, 24 residente han Sitio St. Joseph, Cabibihan, Caibiran; Roniel Garin, 39, residente han Sitio St. Joseph, Cabibihan, Caibiran ngan Oscar Monzales, 32 anyos, residente han Brgy. Binongtuan, Culaba.
Nadakop an mga suspek tikang ha gindumara nga checkpoint han mga otoridad.
Nakompiskar tikang ha mga suspek an 1 kalibre 9mm nga pistola, 1 kalibre nga 45, 1 kalibre 38 pira nga mga live ammunitions ngan tulo ka bug-os nga bladed weapons.
Ha pagkayana in nakapaslak na an mga ini ha Culaba Lock up cell ngan naatubang ha kaso nga pagtalapas ha Republic Act 10591 o an Illegal possesion of fire arms .
