TACLOBAN CITY – Ginlunsar na han Borongan City Government ha Eastern Samar an Libreng Sakay Program para ha ira mga molopyo.
Sumala kan Borongan City Mayor Jose Ivan Dayan Agda, pinaagi han usa nga ordinansa, ginlunsar ha ira syudad an mao nga Libreng Sakay Program kun diin lima nga bus iton na-byahe hin libre ha kada adlaw.
Panuyuan hini nga mabuligan an mga senior high school ngan college students, mga PWDs, mga senior citizens, mga medical health workers ngan mga turista nga magkaada hin libre nga sakay pakadto ha ira mga destinasyon ha Borongan City.
Nagtitikang an byahe han mao nga mga airconditioned buses ha alas singko hiton aga kutob alas nuebe hiton gab-i.
Ginhihingita han Borongan City government nga magpadayon ha masunod nga mga tuig an mao nga programa agud nga mas damo pa nga nanginginahanglan an mabuligan hini nga libreng sakay program.
