TACLOBAN CITY- Gintikangan yana nga adlaw an pagpatuman han Libreng Sakay para hiton mga essential and perishable goods ha mga RoRo nga nabiyahe ha Amandayehan to Tacloban port.
Una hine, nagpagawas hin pahibaro an Office of the Civil Defense ha publiko, nga magpapatuman hira hin Libreng Sakay yana nga adlaw Hunyo 18, 2025.
Sumala kan Department of Interior and Local Government, DILG Region 8 Regional Director Arnel M. Agabe, nga an nasabi nga Libreng Sakay, in magdudugay ha sulod hiton 6 ka-bulan, ngan an nasabi nga pitad in agud nga makabulig nga maibanan an problema ha pagtabok han mga cargo trucks.
An RIACC8 Libreng Sakay Program, in ginpatuman pinaagi hiton buhatan han OCD, ngan sakop hine an syudad han Tacloban- Amandayehan Basey Samar (vice versa).
Ine in inisyatiba in naka-pukos ha mga apektado nga sarakyan nga nalimitaran an ira ruta, matungod na gihapon ha limitasyon ha San Juanico Bridge.
Naglalaom naman hi Acabe, nga madudugangan pa an mga RoRo nga masasakayan han mga trucks nga nagkakarga hiton mga pangunahon nga panginahanglanon sugad hiton mga pagkaon.
Mababaruan, humagos na hin bulan nga nagpaka-standby an mga trucks nga matabok ha Leyte ngan Samar ngan duro ine nga naka-apekto han ekonomiya ha Sinirangan Bisayas.
