TACLOBAN CITY: Maabot na ha 1,444 nga mga estudyante an na-akomodar han Leyte National High School, para Grade 7 nga mga enrollees para han SY 2024-2025.
Sumala kan Bernie Jude Lamograr, Assistant Principal, Leyte National High School, nga an nasabi nga ihap in sakto na para ha sobra 30 nga mga classrooms han ira eskwelahan, kun diin nagsusunod hira ha ginpapatuman nga kamanduan han DepEd, nga tag 45 la nga mga estudyante an pwede ig-akomodar ha sulod han classroom agud nga matutduan an mga ine hin maupay.
Ha lain nga bahin, ginpaangbit gihapon hine nga ada naman ha 2,807 an mga nakapag enrolled na ha Grade 11 para han SY 24–25.
Ginmalatumat naman ni Lamograr, nga ha pagkayana gin pra-priorities nira adton mga estudyante nga Taclobanon, matungod nga damo mangud nga mga estudyante, an karuyag mag enroll ha nasabi nga eskwelahan tikang ha kaharani nga mga munisipalidad.
