TACLOBAN CITY– Gintagan hin pagklaro hiton Leyte National High School, an nagsarang nga himangrawon nga nagpatuman hira hin 3 days nga face to face classes ha ira mga estudyante.
Sumala ka Bernie Jude Lamograr, Assistant Principal han Leyte National High School, nga usa ha mga rason han pagkakamyada nira hin 3 days classes ha usa ka semana, matungod han kadamo han estudyante nga namag-enrolled ha nasabi nga eskwelahan.
Dugang pa ni Lamograr, nga napagdisisyunan nira nga magkamayda hin shifting classes, para ha mga Senior High School students, kun diin magkakamayda la hira mga adlaw nga mapakadto ha eskwelahan, samtang an nasasalin naman nga mga adlaw han semena in magkakamyda naman ine hin synchronous and asynchronous classes.
Ginsigurado naman han nasabi nga opisyal, nga padayon naman nga ginmomonitor han ira magturotdo.
Ginmalatumat ni Lamograr, nga umabot na mangud ha 3,555 students an nakapag enrolled ha Senior High School, sanglit nga sugad an ira magigin set-up hiton pag-aram.
Aminado naman ine nga nagkukulang hira hin classrooms, nga pwede gamiton han mga estudyante matungod ha hitaas nga ihap han mga officially enrolled students.
