TACLOBAN CITY – Nagpaangbit han ira pira nga accomplishments an Department of Public Works and Highways–Leyte 3rd District Engineering Office kaparte han mga kakarsadahan ngan flood control project ha ira lugar.
Sumala kan Department of Public Works and Highways–Leyte 3rd District Engineering Office Civil, Geodetic, and Material Engineer, Engr. Cesar Makabenta, pira han nasabi nga mga proyekto an nauna na pagkahuhuman mahitungod nga gudti manla ine nga kantidad samtang an iba in nagpapadayon pa.
Ha parte han flood control, an iba daw in nabaha dida tikadto han mga humayan dida han waray pa kahibubutang an nasabi nga proyekto pero dida han kahibutang na hine in naundang na ine, manggud la daw in mahitungod nga halipot la ine nga proyekto in pag-abot ha may unahan nga parte o ha katapusan han proyekto in gin babaha ine utro.
Kun diin, naglalaum naman ine nga ha pag-abot han pondo han 2025 General Approriations Act in mahibubulig ine ha pondo agud nga masumpayan an nasabi nga proyekto ngan masakop na kabutangi an ngatanan nga area.
Samtang, ha widening nga parte naman, an Lemon-Leyte-Biliran nga roadway in humaluagay na daw gihapon ngan nabutangan na hin aspalto manggud la, in dire daw gihapon ine sugad kahilaba mahitungod han kakulangan han pondo.
Nakatalaan naman nga masumpayan ha masunod nga tuig-2025 kun diin ig iimplementa ine tikadto na ha may proper han Leyte, Leyte.
Samtang, mayda na gihapon naka-andam nga ig sesemento para ha karsada nga Sta. Rosario-Villaba kun diin hihimuon ine nga four-lanes.
Naglalaum naman an nasabi nga opisyal nga ha pag-abot han masunod nga tuig in mahuhuman na an ngatanan nga mga proyekto ha Leyte 3rd District.
