NATIONAL – Ginyaknan han House prosecutors an Senate Impeachment Court nga klaro an ginagamit nga legal strategy han kampo ni VP Sara in likayan nga magkamay-ada hin trial, ma-dismiss an kaso, ngan dire accountability.
Baton ine han prosekusyon ha Answer Ad Cautelam nga ginsalawad han kampo han bise-presidente nga gintawag han House prosecutos nga waray basaranan, misleading nga mga alegasyon.
Ginmalatumat han House prosecution panel ngan sugad nga pamaagi in nasalamin ha dire pagtugot han Bise Presidente nga atubangon an mga seryoso nga alegasyon kontra haiya.
Gintagan-duon han mga prosecutors nga an hangyo para ha dismissal in dire kinahanglan tagan-atensyon, mahitungod nga mismo an Konstitusyon na an nagmamando kun maibalhin na an Articles of Impeachment.
Ginpahayag han mga ine an kabug-at han mga kaso—nga an ginkakalakipan han asasinasyon, pag-abuso ha mga pampubliko nga pondo, ngan pagdudumara han korapsyon—in nanginginahanglan nga full and transparent trial.
