HINABANGAN, SAMAR – Patay na han matad-an an lawas han usa nga lider han NPA ha butnga han engkwentro han 63rd Infantry Battalion ngan SRC SESAME ha Hinabangan, Samar.
Ginkilala an patay nga lawas han Lupito Bucatcat, alyas Hunyo, taga-Villareal, Samar, sekretarya han Sub-Regional Committe SESAME han Eastern Visayas Regional Party Committee.
Sumala kan 8th Infantry Division Philippine Army Division Public Affairs Office, Cpt. Christopher Tataro, gin aalegar nga dida pa kamatay hi alyas Hunyo han Pebrero 25, kun diin nagkamay-ada hin engkwentro an parehas nga batalyon ha kaparehas gihapon nga grupo han mga rebelde, kun diin nahipatik an usa nga namatay, ngan posible daw nga waray la ini makit-e dayun hi Hunyo.
Basar han imbestigasyon, mayda na gidaan sakit an rebelde ugsa paman ini mamatay.
Ha pagkayana, ginpapanginano pa ini ha ira forensics mahitungod nga naiturn-over na ini nira ha Hinabangan Municipal Police Station para han pagproseso, dokumentasyon, forensic examination, ngan sakto nga disposasyon han lawas.
Ginhuhulat na gihapon an resulta han panginano agud mahibaruan an rason han nagin kamatayon hini.
