TACLOBAN CITY– Dead on arrival ha ospital, an usa nga lalaki mahuman nga maligis ha Brgy. Imelda, Tolosa, Leyte.
Ginkilala an biktima nga hi alyas Rolly, 30-anyos, store helper nga residente han Brgy. Poblacion han mao nga lugar.
Ginkilala naman an driver nga hi alyas Steve, usa nga Amerikano, 55 anyos, residente han Brgy. San Roque Tolosa.
Sumala kan PCpt. Jose Costimiano Jr. Officer in Charge, Tolosa Municipal Police Station, subay ha ira imbestigasyon tumabok an biktima agud nga pumalit ha tindahan, ngan han tibalik na ine nag-alang ine nga tumabok matungod nga may babalikon ine ha tindahan.
Ha iya pag-alang nga tumabok, an rason kun kay-anu ine, aksidente nga naligis.
Ha mao nga panhitabo, nahilabog an biktima ngadto ha nakaparada nga sarakyan.
Parehas, nakag-angkon hin kasamdam an biktima ngan driver ha mao nga panhitabo, kun diin gindara an mga ine ha ospital pero an biktima in ginbawian hiton kinabuhi, samtang an driver in padayon nga nagpapaupay.
Ha pagkyana papasakahan an driver hin kaso nga Reckless Imprudence Resulting in Homicide.
