LAVEZARES, NORTHERN SAMAR – Usa nga lalaki ha Brgy. Caburihan, Lavezares, Northern Samar an aksidente nga nakuryente samtang naglilimpyo hin tanke hin tubig.
Ginkilala an biktima kan alyas Pido, 48-anyos an pangidaron, ngan residente han Brgy. Libertad Lavezares, Northern Samar.
Sumala kan Lavezares Municipal Police Station Chief of Police, PCpt. Thom Alexis Manlangit, ginpapanag-iyahan han National Grid Corporation of the Philippines an live wire nga nakuryentihan han biktima.
Basar ha imbestigasyon, dida han tisaka na an biktima ha water system para maglimpyo in sumangit an hagdan nga ginsasak-an hine ha nakalaylay nga live wire ngan nakuryente an biktima, kun diin nahulog ine tikang ha rooftop tipa-ubos.
Gindara naman ine dayun ha Catarman Doctors Hospital para han kaangayan nga pagtambal pero banda alas-3 han kulop, kakulop, Hulyo 1, in gin refer ine tipakadi ha usa nga hospital ha Tacloban.
Ha pagkayana in ada naman na ha stable nga kabutang an biktima.
