TACLOBAN CITY – Dayun nga gindara ha hospital an duha nga kapulisan mahuman nga mapusil han suspek nga bumisita ha Police Station han Javier, Leyte.
Sumala kan PMaj Ronald Puso, Chief of Police hiton Javier Municipal Police Station, personal nga pumakadto ha ira buhatan an nasabi nga suspek para beripikahon nga nagpalusad na an ira buhatan hin warrant of arrest alakontra ha suspek nga may kaso nga frustrated murder.
Waray naman karawta han nasabi nga buhatan an pagboluntaryo hine nga pagsurender mahitungod nga waray pa daw hira kopya han arrest warrant hine.
Tumambay la naman daw anay an suspek ha istasyon kun diin samtang natambay ine in tigda daw ine nga nangagaw hin service firearm ha mga pulis nga nakadto.
Duha nga Police Staff Sergeant an naigo han pamusil han suspek kun diin dayon naman an mga ine nga gindara ha hospital kaupod gihapon an suspek mahitungod nga nag-angkon gihapon ine hin pinusilan mahuman nga pusilon han mga pulis nga nakadto.
