TACLOBAN CITY – Arestado an usa nga lalaki mga most wanted person ha Binangonan, Rizal, ha gindumara nga manhunt charlie operation han Highway Patrol Group (HPG) ha siyudad han Tacloban.
An suspek in ginkilala nga hi Anthony Bersaluna, 38 anyos an pangidaron, may asawa, usa nga Network Marketing ngan residente han San Antonio Canhaway, Guindulman, Bohol sugad man mayda kaso nga 5 counts hin karnapping.
Sumala kan PLt/Col.Bernard Marzal OIC Regional Highway Patrol Group Unit 8 Director nga nakakarawat hira hin impormasyon ha usa nga impormant nga mayda usa nga Anthony Bersaluna an mayda warrant of arrest ha siyudad.
Dayon naman daw hira nga nagbug-os hin grupo para igserbe an warrant han suspect.
Sumala naman daw ha suspetsado nga nga an nagfile han mao nga mga kaso in an anay daw hine kabusiness partner.
Ha pagkayana in padayon daw an ira panginano kun mayda pa ine iba nga ginkakaatobang nga kaso.
