TACLOBAN CITY- Paslak an usa na lalaki mahuman na guinhostage ngan guin malmalan hin pusil an kalive-in partner hini ha Barangay 99 Diit, Tacloban City.
Sumala kan Police Inspector Noel Enrique na guinkilala an biktima kan Maria Victoria Tia, 28 anyos an pangidaron usa na sales consultant.
Samtang, gguinkilala naman an suspek kan Maximillian Montayre, 36 anyos an pangidaron ngan pareho residente ha mao na lugar.
Basi ha inisyal na imbestigasyon han mga kapulisan na may barangay protection order an mao na biktima alakontra han suspek na amo naman an dumaop ha biktima ngan guinmalmalan hin calibre 38 an ulo hini.
Dugang pa ni Police Inspector Enrique, na gawas la han pusil, nakuha guihapon ha poder han suspek an unom na bala hin armas de fuego.
Dayon naman na guindara ha Eastern Visayas Regional Medical Center (EVRMC) an biktima mahuman nga nakaangkon hin dagko nga samad ha ulo.
