ODD – Mayda mga lalaki nga sagad kun maghigugma ha ira uyab uyab.
Tanan bubuhaton nira agud malipay ngan ma-satisfied an ginhihigugma kundi pati pagbabaligya hin organ in bubuhaton agud la mapalit an paborito nga gamit han uyab.
Sugad an natabo ha usa nga lalaki nga nagpatawag ha ngaran nga Park. Ginbaligya niya an iya usa nga kidney para la mapalit an Hermes Kelly bag nga karuyag han iya uyab.
Pahayag ni Park, harani na hira mag-first anniversary han iya uyab ngan karuyag niya in usa nga marahalon ngan sikat nga gamit an iya ighahatag nga regalo para hini.
Maaram hi Park nga patay na patay ha marahalon nga bag an iya girlfriend ngan kun hira in magkaupod pamasyada, pirmi bukambibig hini an Hermes bag.
Sanglit ginplano ni Park nga Hermes bag an igregalo. Pero nahikalasan hi Park han mabaruan an presyo han Hermes. Sobra hin kamahal ngayan! Bisan mag-part time job hiya in deri masakto an kita agud mapalit an Hermes bag.
Tubtob nga makit-an niya ha lobby han usa nga ospital an nakapaskil nga LOOKING FOR HUMAN ORGANS in waray na hiya magruhaduha ngan magkarag hin panahon, iya ginbaligya an iya usa kidney.
Napalit niya an Hermes. Malipayon an iya uyab han ighatag niya an regalo.
Pero makalabay an pira kabulan, nakipag-break ha iya an iya uyab ha dire klaro nga rason.
Waray kapugngi ni Park nga makagtuok ngan duro an iya pagbabasulkun kun kay ano ginbaligya niya an usa nga kidney para la mapalit an marahalon nga bag an iya uyab.
