BALITA ESPESYAL – Nagkagurumok an Gatwick Airport ha United Kingdom tungod ha usa nga 22 years old nga lalaki kahuman makita ha iya luggage hiton damo nga mga dried caterpillars kun diin umabot pa ine ha timbang nga 94 kilos.
Sumala ha lalaki an mga mao nga caterpillars in pagkaon niya pero waray lagihapon ine ginpalapus han mga Customs Officials han mao nga airport tungod nga dayon nira ine ginkumpiska.
Eksplikar naman han mga tiglawas han Gatwick Airport nga an mga pagdadara hiton mga produkto nga karne, isda, bunay ngan labi na hiton mga caterpillars ha pagsakob hiton UK in mahuot nga igindidire han nasud..
An dried caterpillars o an dried larvae hiton butterfly in usa nga sikat nga exotic food ha nasud Africa nga ginkakaon kumo snack han mga iba nga Africans.
