-- Advertisements --
ENTERTAINMENT NEWS– Gin-anunsyo han TV host-actress nga hi Kris Aquino nga hiya in magpapailarom ha 6 kabulan nga preventive isolation mahuman nga magtika-grabi an iya autoimmune diseases.
Ginpaangbit ni Kris an iya padayon nga pagpapatambal ngan pag-atubang ha mga agresibo nga treatment.
Dugang pa ni Kris, papahinayon han tambal an immune system, sanglit nga magpapabilin la anay ine ha ira compound ha Tarlac.
Kaupod niya ha proseso an anak nga hi Bimby, samtang hi Joshua in temporaryo nga aadto ha iya mga paryente.
Nagpapasalamat gihapon hi Kris, ha iya mga doktor, nurse ngan tagasuporta ngan nag-aaro hin padayon nga pag-ampo samtang nagpapadayon an iya pakikigbisog ha iya panlawas.
