NATIONAL NEWS– Gintagan duon ni anay National Economic and Development Authority (NEDA) Director Cielito Habito nga kinahanglan magkamayda hin klarado nga roadmap an gobyerno agud nga maipakita an tinuod nga potensyal hiton yamang-dagat han Pilipinas ngan maiduso an “blue economy.”
Gintagan duon ni Habito nga an pagkakamayda hin klarado nga roadmap in importante agud ng magin globally competitive ngan akos makipagsabayan ha iba nga nasud ha Southeast Asia, partikular na ha upat nga orihinal nga kalakip hiton ASEAN sugad hiton Indonesia, Malaysia, Singapore, ngan Thailand.
Ginmalatumant pa ni Habito, an blue economy ha Philippine Development Plan, waray pa ine konkreto nga plano agud nga dayon ine mahigamitan.
Sakop han blue economy an mga sektor sugad hiton pangingisda, transportasyon pandagat, turismo ha baybayon, ngan pag-atiman ha biodiversity han kadagatan.
