Natuod hi anay Representative Mike Defensor nga aanhi la gihapon ha nasud hi Orly Guteza, anay security aide nga nagin surprise witness ha gindumara nga imbestigahan han Senado kasumpay ha kontrobersyal nga flood control scam.
Ha usa nga pahayag, gin kumpirma ni Defensor nga nakakarawat hiya hin impormasyon kasumpay ha kinamumutangan ni Guteza, sugadman in dire matudlok an eksakto nga lokasyon hini.
Han mapakianhan kun aanhi pa ha nasud an testigo, tumangdo an anay magbabalaod.
Gin klaro gihapon ni Defensor nga waray hiya direkta nga linya han kumunikasyon kan Guteza ha presente, sugadman nakakakarawat hiya hin update nga talwas ini.
Naglalaum an anay kongresista nga utro magpapakita hi Guteza ha butnga han nagpapadayon nga isyu, labi na mahuman an nagin pag atubang han 18-anay marino.
Hi Guteza in anay nagtatrabaho kumo security aide ni anay Ako Bicol Party-list Representative Zaldy Co.
Syahan nga igin atubang an testigos ni Senator Rodante Marcoleta ha pagdungog han Senate Blue Ribbon Committee.
Ha iya ginsalawad nga affidavit, lantaran nga igin dabi ni Guteza hi anay House Speaker Martion Romualdez ha anomaliya ha flood control projects.
