Gin aaghat han abogado ni anay presidente Rodrigo Duterte nga hi Atty. Nicholas Kaufman an mga supporters nga magin hapsay ha ira pagpapakikta hin paghigugma ha anay presidente.
Ginmalatumat hini nga nakakarawat hira hin mga mensahe sugadman an mga kasina kasumpay ha pagkakaaresto ni Duterte han International Criminal Court.
Duon hini, dida han Marso 11 kun diin syahan nga anibersaryo han pagkakaaresto han anay presidente in nakakarawat hira hin mensahe tikang ha mga supporters hini.
Ngatanan naman han mga mensahe tikang ha supporters in naipapaabot nira ha anay presidente.
Ha maabot nga Marso 28, igseselebrar han anay presidente an iya ika-88 nga kaadlawon kun diin gin aghat gihapon ni Kaufman an mga supporters nga himuon ini nga adlaw nga dire makakalimtan.
Manunumduman nga naaresto an anay presidente mahitungod ha pagpapatuman hini hin war on drugs dida han alkalde pa ini ha Davao kutob ha magin presidente ini han nasud.
