TACLOBAN CITY- Utro nga nag-ahat an mga kasundaluhan ha Sinirangan Bisayas ngadto ha mga New People’s Army ( NPA) nga bumalik ha kamot han gobyerno.
Sumala kan 1st Lt. Colonel Cherry Junia- Information Officer han 8 Infantry Division nga kabalyo han pagsurrender han mga walhon nga grupo in may makakarawat ini nga hinabang tikang ha gobyern agud makagtikang hin mahimyang nga pagpakabuhi kaupod iton bug-os nga pamilya.
Dugang pa ni Junia, nga damo an pamilya nga mawawarayan hin padre de pamilya kun magpapadayon an pakiusa hini ha walhon nga grupo ngan umabot an higayon nga madisgrasya ha mga natatabo nga engkwentro.
Manunumduman nga duha an namatay ha han-ay han NPA dida han sumulong ini ha kampo han kasundaluhan nga nasamaran hin lima nga miyembro ha Barangay Helomot, San Jose de Buan, Samar dida han nakalabay nga semana.
