TACLOBAN CITY – Padayon an pagdamu han kaso han stunted o bansot ha Eastern Samar, nga amo an may pinaka-hitaas nga ihap; ginsusundan ini han Tacloban City (increasing), Northern Samar (increasing), Samar, Leyte (decreasing), Biliran, Ormoc City, ngan Southern Leyte, ine in sumala kan Regional Nutrition Program Coordinator Dr. Catalino Dotollo Jr.
Ha mga bungto, nangunguna ha mayda pinakahitaas nga kaso hin bansot an Gandara, Samar, sinundan han Las Navas, Northern Samar; San Sebastian, Samar; Maslog, Eastern Samar; San Jose de Buan, Samar; Sulat, Eastern Samar; Maripipi, Biliran; Jipapad, Eastern Samar; Lope de Vega, Northern Samar; ngan Sta. Rita, Samar.
Ha kaso naman han severe wasting o duro hin kamagasapinaka-hitaas an ihap ha Tacloban City, ginsusundan han Eastern Samar, Leyte, Ormoc City, Biliran, Northern Samar, Samar, ngan Southern Leyte.
An top 10 nga bungto nga may pinakadamo nga kaso han severe wasting amo an:
- Sulat, Eastern Samar
- Mercedes, Eastern Samar
- Taft, Eastern Samar
- Las Navas, Northern Samar
- Palompon, Leyte
- Dagami, Leyte
- La Paz, Leyte
- Isabel, Leyte
- Tunga, Leyte
- San Policarpo, Eastern Samar
Ha kaso han moderate ngan severe underweight, pinaka-hitaas an Eastern Samar, ginsusundan han Leyte (decreasing), Northern Samar (increasing), Samar (increasing), Tacloban (increasing), Biliran (increasing), Ormoc (decreasing), ngan Southern Leyte (increasing).
An top 10 nga munisipyo ha moderate ngan severe underweight amo an:
- Gandara, Samar
- Las Navas, Northern Samar
- Jipapad, Eastern Samar
- Sulat, Eastern Samar
- San Policarpo, Eastern Samar
- Maslog, Eastern Samar
- San Sebastian, Samar
- Isabel, Leyte
- Abuyog, Leyte
- San Jose de Buan, Samar
Ha kaso naman han overweight, nangunguna an Tacloban City, ginsusundan han Eastern Samar, Leyte, Northern Samar, Ormoc City, Southern Leyte, Samar, ngan Biliran.
Bisan pa may mga lugar ha Rehiyon 8 nga may problema ha nutrisyon, ginpapasalamatan ni Dr. Dotollo an pipira nga LGU nga nagtukod han Nutrition Offices para matutokan an mga programa ngan adbokasiya ha paghimugso han kabataan ngan pagsolbar han malnutrisyon. (via Bombo Shiela Encio)
