TACLOBAN CITY — Umabot na ha 32 nga mga kaso han Human Immunodeficiency Viruses (HIV) ha Eastern Visayas tikang dida han bulan hiton Enero tubtob Pebrero yana nga tuig.
Ha suma total in maabot na ha 1,374 nga mga kaso han HIV-AIDS ha bug os nga Eastern Visayas tikang dida han tuig 1984 tubtob 2022.
Sumala kan Jelyn Lopez-Malibago, tagapagyakan han Department of Health Eastern Visayas, ha mao nga ihap in mayorya han mga ini in mga kalalaken-an nga nag-eedad 25-34 anyos.
Ha kaso naman han mode of transmission in mayorya han mga ini in nakuha ha pamaagi hiton male-to-male nga pakighilawas.
Usa naman nga HIV positive an naawat an kinabuhi yana nga tuig kun diin maabot na ha 87 deaths tikang 1984 tubtob yana nga tuig.
Ha nasabi nga ihap nga naitala yana nga tuig in 21 dinhi in tikang ha probinsiya han Leyte, 5 ha Samar, 3 ha Southern Leyte, 2 ha probinsiya han Biliran ngan 1 ha Northern Samar.
Ha pagkayana in nagpapadayon an mga aktibidadis ngan abokasiya han buhatan agud maipasamwak ha publiko nga magpatest agud dayon mabaruan kun an mga ini in positibo ha mao nga virus.
