TACLOBAN CITY – Ginpahayag han Tacloban City Hospital nga dire gud sugad kahitaas an kaso han dengue ha syudad ha pagkayana.
Ini in ha kaluyo han iginreport han Department of Health (DOH) nga sobra 400% nga paghitaas han dengue cases ha bug-os nga rehiyon kumpara han naglabay nga tuig.
Sumala kan Dra. Joedina Gumagay, head han Tacloban City Hospital, ha pagkayana in duha la an admitted ha ira ospital nga mga dengue patients ngan an mga ini in mild cases la.
Ini in harayo pa daw ha ihap han dengue cases ha syudad han naglabay nga mga tuig kun nagkakaada hin outbreak han mao nga sakit kun diin naabot ha napulo nga mga pasyente an naaadmit kada adlaw.
Ha kaluyo han habubo nga ihap han mga dengue cases ha syudad in dire naman sadang nga magtagya han publiko.
Nanawagan an mao nga opisyal ha publiko nga magbuhat han mga pitad agud nga malikayan an mao nga sakit labi na gud an pagdistroso han mga lugar nga pwede pagbonayan hin lamok nga nagdudurot hin dengue.
