TACOBAN CITY- Ginpahibaro han Department of Health Eastern Visayas, nga humamubo an kaso han dengue ha rehiyon, kumpara han nakalabay nga tuig ha kaparehos nga period.
Sumala kan Jelyn Lopez Malibago, Information Officer han Department of Health Eastern Visayas, an nakalabay nga tuig in nakaghipatik an ira buhatan hin 10,289 dengue cases, ngan 22 an namatay han nasabi nga sakit.
Samtang yana naman nga tuig, subay ha ira datos han nakalabay nga bulan han Agusto, nakaghipatik la hira hin 2,749 dengue cases, ngan 5 an namatay.
Dugang pa ni Lopez, an nasabi nga paghamubo in dire angay igpakampante han publiko, lugod in igpadayon an paglimpyo han libong, ngan batasanon nga maging mahirot ha tanan nga panahon, labi na yana nga panahon hiton kat-uran.
