EASTERN SAMAR–Ginpaangbit hiton Department of Education Eastern Samar, nga kasagaran han mga eskwelahan nga ira nasasakupan in nakagtikang na an klase kakulop nga adlaw.
Sumala kan Abner Aclao, Division Information Officer han Department of Education (DepEd) Eastern Samar, ine in mahuman an nagin kanselasyon han nakalabay nga Lunes, durot han duha ka-adlaw nga pag-inuran matungod han Shearline.
Samtang, waray naman makagtikang kakulop an Jipapad National High School, matungod nga nagpapabilin pa nga baha an pira nga mga classrooms ngan nagdumara anay an mga magturotdo hin panlimpyo.
Waray naman may naguba nga mga classrooms ha Jipapad ha kaluyo han pagbabaha.
Ada naman ha 9 nga mga classrooms ha Arteche, 2 ha Oras ngan 2 gihapon ha Dolores ngan 6 ha Maslog Eastern Samar, an naapektaran han mga pagbabaha.
Iginkalipay naman ni Aclao, nga waray apektado nga mga learning materials ngan waray nasamaran nga mga manurutdo kaluyo han kalain han panahon.
