NATIONAL–Ginkwestyon han kampo ni Duterte an kahilarom ngan kamatuoran han mga ebidensya nga ginpresenta han prosekusyon, particular an mg aakusasyon nga widespread o systematiko an serye han mga pagpatay ha siyudad han Davao.
Ha pagdungog, mahugot nga gindiwara han defense counsel an mg akusasyon, ngan ginpunto nga an ginhahaon nga Count 1 han kaso in nasakop la ha 9 ka insidente hin pagpatay ha usa nga siyudad.
Gintugunan gihapon han depensa an mga magin pahayag han tinaglawas han prosekusyon nga hi Mr. Robin Kraft, nga nag-kokonekta ha usa nga quarry site kumo usa nga ginaalegar nga mass grave.
Sumala ha depensa, an nagamit nga basehan han prosekusyon ha nasabi nga isyu kay an nagin pahayag ni anay Senador Leila de Lima ha usa nga Senate Committee.
Kanit hine ha pagdidiskubre han pira ka lawas hin tawo nga posible nga pinag-iyahan pa han mga sundalo nga Hapones han World War II, ngan dire tikang ha mga biktima han ginaalegar ga extrajudicial killings.
Ginbatikos gihapon han abogado an pahayag han usa pa nga witness nga ginmalatumat nga mayda mga lawas nga ginlabog ha kadagatan han Davao, nga ginlarawan han depensa kumo usa nga outlandish assertion.
Ginduon han depensa nga bisan pa nga hukayon an bug-os nga gulf, waray ano man nga ebidensya an magawas nga magpapamatuod ha mga nasabi nga alegasyon.
