TACLOBAN CITY – Abre na ha ngatanan nga mga turista tikang ha magkalain-lain nga lugar an isla han Kalanggaman ha Palompon, Leyte.
Nakarawat na an mao nga isla hin mga langyawanon nga turista sugadman ha mga cruise ship.
Sumala kan Jun Velegaño, tagapagyakan han Palompon LGU, nag-aakomodar na hin overnight stay an mao nga isla para ha mga traveler o turista.
Pero kinahanglan pa naman han mga ini nga magpaschedule hin timprano matungod hiton kadamo han mga turista nga karuyag bumisita in fully booked dayon an mao nga isla.
Dugang pa hini, dida han waray pa magtikang an pandemic in naakomodar hira hin maabot 500 nga mga turista.
Ha pagkayana in maabot 250 nala an ira gin-aakomodar matungod 50% la an kapasidad nga igintutugot hiton LGU han Palompon, Leyte.
Mahugot naman nga ginpapahinumdom han LGU han Palompon para ha mga turista nga kinahanglan la gihapon han mga ini magpakita han ira tagsa vax cards sugadman an QR code.
