BORONGAN CITY – Mas dako nga problema han nasud an presente sitwasyon kun diin nagkukulang hin suplay han produkto nga lana an nasud kumpara han pandemya mahitungod nga dire man kulang an suplay hadto.
Ini an sumala kan Borongan City Mayor Jose Ivan Dayan Agda, ha pakighimangraw han Bombo Radyo Tacloban.
Dugang pa hini, hadton pandemya o kakusgan han COVID-19 in waray kakulangan ha suplay han anuman nga produkto, pero yana, waray kasiguraduhan sanglit makababaraka ini.
Sumala pa haiya, nagin leksyon na unta an pandemya dida han nakalabay nga mga tuig, mahitungod nga ha paru-parehas nga panhitabo ha presente nga sitwasyon in duro nga nakadepende an nasud ha gin aangkat nga krudo ha iba nga nasud, sanglit dako nga problema an kakulangan hini.
Resulta hini, ginmalatumat ni Mayor Agda nga kinahanglan igduso an food suffiency ha nasud agud dire gud humitaas hin duro an presyo han mga pangunahon nga papliton han mga konsumidor, kun diin an pangunahon nga maapektaran hini an publiko.
Nanawagan naman ini ha kabataan yana nga mayda panag-iya nga katunaan nga gamiton hin maupay ha pag-produce hin mga pagkaon an ira katunaan agud makabulig ha food security han nasud ngan dire na mag-angkat ha iba nga nasud.
