TACLOBAN CITY– Ginmalatumat hiton Department of Labor & Employment Regional Office Vlll, nga tinikangan hiton Hunyo 1, 2025 igpapatuman na an kadugangan nga P15 ha sweldo hiton mga mantratrabaho ha pribado nga sector dinhe ha Sinirangan Bisayas.
An nasabi nga kadugangan nga sweldo in tikang ha Wage Order No. RB VIII-24 nga gin issue dida han November 5, 2024.
Sumala kan Norma Rae Costimiano, Information Officer, Department of Labor & Employment Regional Office Vlll, an nasabi nga pagpatuman in an ika-duha nga tranche in tikang ha Wage Order No. RB VIII-24, sulod han nasabi nga kamanduhan an P30 nga dugang nga sweldo, kun diin natagamtaman na ine an katunga han nakalabay nga Disyembre 2024.
Ginpatapod han nasabi nga buhatan nga dayon ine nga maiimplementar ha Hunyo 1, kun diin magigin P435 an minimum wage para hiton mga pribado nga sektor nga mayda empleyado nga 11 paigbaw.
Samtang ada naman ha P405 an sweldo hiton mga service/retail establishments nga may 10 paubos nga empleyado.
Nanawagan naman an nasabi nga opisyal ha mga employer, nga talinguhaon nga sundon an nasabi nga panwelduhan para hiton ira mga trabahador.
