TACLOBAN CITY – Usa nga Job Order employee hiton Provincial Government han Biliran an naaresto han mga otoridad mahuman nga mapalitan hin iginbabawal nga droga ha gin dumara nga buy-bust operation ha Naval, Biliran.
Ginkilala an suspek kan alyas “Jun-jun”, usa nga watchman, ngan residente han nasabi nga lugar.
Sumala kan PMaj. Chamberline Ludivise, Chief of Police hiton Naval Municipal Police Station, an nasabi nga suspek in usa gihapon nga High Value Target Drug Personality ngan ada ha ika-9 han Top Priority List han mga drug personalities ha rehiyon 9.
Nadakop na daw gihapon an suspek dida han mga nakalabay nga tuig dida han dire pa ine J.O. pero nakagawas ine pinaagi han plea bargaining.
Subay hiton impormasyon, napalitan an suspek hin 9 ka-sachet hin shabu nga nagkakantidad hin P500.
Dayun naman nga naaresto an suspek ngan presente nga nakapaslak na ha Naval Municipal Police Station ngan papasakahan hin kaso-pagtalapas ha RA 9165.
