TACLOBAN CITY – Ginkalipay han Bureau of Fisheries and Aquatic Resources (BFAR-Region 8) nga usa
nala nga lugar ha Sinirangan Bisayas an apektado han red tide.
Subay ha pakighimangraw han Bombo Radyo Tacloban kan Dr Nancy Dayap, incharge han monitoring han
Red Tide nga ini an Irong-irong bay ha Catbalogan, Samar.
Ini in mahuman nga ginbulkas na han BFAR Red Tide warning ha lugar han Cambatuay, Jiabong, Villareal,
Maqueda bay ha Samar sugad man Mantarinao Bay in Eastern Samar, Katubigan han Carigara ha Leyte
sugad man ha Probinsya han Biliran.
Sumala pa kan Dayap nga bisan pa nga usa nala nga baybayon an apektado han Red Tide in padayun la
gihapon an ira monitoring ha mga kabaybayunan ha rehiyon.
Pagklaro ni Dayap nga talwas nga kaunon an mga isda, nuos, hipon ngan masag basta hugasan la ini hin
maupay o kun di man ngani tanggalan hin mga hasang.
