TACLOBAN CITY – Padayon la guihapon nga positibo ha red tide an pira nga kadagatan han Sinirangan Bisayas.
Ini in may kalabutan han guinpagawas nga imprmasyon han Bureau of Fisheries and Aquatic Resources Regional Office 8 nga utro nga naapektaran han red tide toxins an kadagatan han Irong-irong Bay ha Catbalogan, Samar tikang pa dida han nakalabay nga semana .
Nagpahimatngon naman ha publiko an pamunuan han BFAR nga likayan la anay an pagkuha, pagbaligya, pagpalit, pagluto ngan pagkaon han mga shelfish para ha katalwasan han panlawas.
Samtang, nagpapabilin naman nga talwas ha Red Tide Micro organism an Matarinao Bay ha Eastern Samar; Cambatutay, Maqueda Bay, Villareal Bays, Daram Island ha Western Samar; San Pedro, Carigara ngan Cancabato Bays ha siyudad han Tacloban City; ngan Katubigan han Calubian ngan Leyte ha Probinsya han Leyte sugad man an Coastal water ha Probinsya han Biliran.
Manunumduman nga damo na an nahipatik nga nagkahihiluan ngan nagkamatay ha magkadirudilain nga parte han rehiyon mahuman nga makakaon hin mga shellfish sugad nala han tahong nga paborito han kadam-an.
