TEHRAN, IRAN – Ginsuspinde han Iran an tanan nga diplomatic channels ngan direct communication hini ha Estados Unidos, pira ka-oras ugsa an self-imposed deadline ni US President Donald Trump agud abrihan han Iran an Strait of Hormuz.
Sumala ha Iranian media, ginsadhan han Iran an tanan nga linya han komunikasyon hini, kaupod an pagbalyuay han mesahe ha Amerika.
Siyahan hini in nagtarhog hi Trump ha iya Truth Social nga posible usa ka-sibilisasyon han Iran an mau-ubos kun dire sumugot ini ha negosasyon han US.
Ini in nagpakita naman han pagtika-grabi han relasyon han US ngan Iran, labi na ha butnga han nagtitika-grabi nga tenson ha Strait of Hormuz.
Kasunod naman han tarhog ni Trump, nagpagawas hin pahayag an Islamic Revolutionary Guard Corps han Iran nga human na an “good neighborliness and self-restraint” ngan posible mawarayan hin access ha lana ngan gas an US ngan mga kaalyado hini.
