NATIONAL NEWS- Iginpasa na han Department of Justice (DOJ) ha Office of the Ombudsman an investigation reports kasumpay ha anomalya han flood control projects ha Bulacan.
Subay ha National Prosecution Service (NPS) Prosecutor-General Richard Fadullon, nga an imbestigasyon nakapuskos ha mga opisyal han Depatment of Public Works and Highways (DPWH) ngan mga contractors ha syahan nga distrito han Bulacan nga gin-aaligar nga responsable ha lima nga maanomalya nga proyekto.
Dugang pa hine an mga dabi dinhe in an mga District Engineers, Assistant District Engineers, Project Managers ngan iba pa.
Ginpahayag naman ni Ombudsman Jesus Crispin Remulla nga an mga opisyal ngan contractors nga dabi in kaparte gihapon hiton imbestigasyon nga ginhihimo hiton Senado.
Gintawag naman an lima nga kaso kumo “low-hanging fruit” ngan “open-shut cases” matungod nga waray may nagawas nga proyekto bisan ha kaluyo nga mayda pondo.
