\Talwas nga nakatabok an Indian-flagged tanker nga mayda karga nga petroleum gas (LPG) ha Strait of Hormuz, subay ha gobyernpo han India dida han Sabado, Abril 4, 2026.
An tanker nga Green Sanvi in mayda dara nga sobra-kulang 46,650 metric tons nga LPG ngan mayda sakay nga 25 tripulante han makatabok ha nasabi nga ruta.
An Strait of Hormuz in usa nga importante nga aragian han pankalibutan nga suplay han lana ngan gas, pero naapektaran an agos han martime traffice mahuman an mga air strike han US ngan Israel kontra ha Iran.
Ha kaluyo hini, ginmalatumat han gobyerno han India nga nakasiguro hira hin talwas nga pag-agi para ha pira ng Indian-flagged vessels ha nakalabay nga tulo kasemana.
Subay ha shipping ministry, mayda 17 Indian-flagged nga mayda sakay nga 460 Indian seafarers an nagpapabilin ha western Persian Gulf region.
Subay naman ha report han local radio ha India, an Green Sanvi na an ikapito nga LPG tanker nga tikadto ha India nga nakatabok ha Strait of Hormuz tikang han magtikang an kasamok ha Middle East.
Nag-aangkay an India hin haroas 60 porsyento han ira LPG suply, ngan presente nga naatubang ha kakulangan hin gas ha nakalabay nga bulan mahitungod ha pagkadelatar ha importasyon.
Mahitungod hini, nagpatuamn an gobyerno hin mas mahugot nga kontrol ha distribusyon han natural ngan cooking gas, kun diin gintatagan-prayoridad an mga kabablayan ngan ginlilimitahan an suplay para ha industrial use.
Ha kalauyo han tensyon, ginpapabiilin han India an koneksyon hini ha Iran, samtang padayon gihapon nga ginpapahaluag an kooperasyon hini ha Israel.
