Pag-aadman na han gobyerno nga tagan hin relief o bulig an mga kababayan nga kalakip ha middle-class.
Sumala kan Senator Sherwin Gatchalian, may-ada hira proposal nga maghatag hin targeted subsidies ha mga middle-class kun diin iga-absorb la anay han gobyerno han pension premiuns ha GSIS ngan SSS ha mga empleyado han gobyerno ngan mga ada ha pribado nga sektor.
Dugang pa hini, dako nga bulig kun mahihimo ini han goyerbo labi na nga padayon an inflation o malaksi an paghitaas han presyo han mga papliton.
Kun batunon la anay han gonyerno an pension premiums, ginlalauman nga siyam ngada ha napulo kaporsyento ha kita han kada empleyado an maibabalik o kaparehas han P2,000 ngada ha P3,000.
Sumala pa hini, ginbuhat na gihapon ini hadton pandemya kun diin naghatag an gobyerno hin zero interest ha mga emergency loans ngan ginsuspendi temporaryo an pagbabayad han premiums.
Depende naman ha ig iiha han kasamok ha Middle East an durasyon han pagpapatuman han bulig.
