Magpapasaka hin indemnity class suit an United People Against Corruption (UPAC) kontra ha pira nga opisyal han gobyerno, kongresista, ngan kontraktor nga dabi ha korapsyon ha DPWH.
Subay ha grupo, panuyo han kaso nga papagbatunon an mga dabi ngan matagan hin kompensasyon an mga pamilya nga pauru-utro nga ginbabaha mahitungod ha korapsyon ha pondo han flood control projects.
Ginmalatumat gihapon han grupo nga target han demanda an dire maubos ha upat nga magbabalaod tikang ha Quezon City nga hira Arjo Atayde, Marvin Rillo, Patrick Michael Vargas at Marivic Co-Pilar, subay ha online han grupo nga mayda caption “Panagutin.” Kaupod gihapon an pira nga senador ngan DPWH officials nga lumutaw ha mga pagdungog ha Kongreso.
Sumala kan Atty. Ariel Inton, malilikayan unta an danyos kun dire substandard an mga proyekto.
Samtang, ginbatikos naman ni Mar Valbuena han MANIBELA an mga proyekto ha karsada nga daw ayad pa pero gingagastusan na utro, samtang gin papabay-an lugod an mga guba na.
