NATIONAL – Igintutudlok han grupo nga United Broiler Raisers Association (UBRA) an duro nga importasyon han karne han manok nga pangunahon nga rason han presente nga kamutang ha poultry industry han nasud.
Ha usa nga pahayag, ginmalatumat ni UBRA Chairman Gregorio San Diego nga damo nga parag-uma an napiritan nga paubson o limitahan an bulto han gin aalagaan nga manok nga igbabaligya.
An iba daw in napiritan na nga umundang ha ira produksyon agud malikayan an duro pa nga pagka-lugi,
Ine in mahitungod na daw gihapon ha duro nga pagbaha han mga imported frozen chicken meat ha mga merkado kun diin tikang pa dida han Oktubre 2023 kutob yana nga Abril 2024 in damo na an bulto han gin aangkat nga manok nga ginbabaligya naman ha mga merkado.
Sugadman in nagdig-on gihapon an grupo nga duro hin kahitaas an P250 kada kilo nga prsyo han manok sugad han igpi-presyo han pira nga mga retailers ha Metro Manila.
Dire daw ine resonable labi na nga an farmgate price la han manok in ada la ha P140 kada kilo.
Subay pa ha DA, an presyuhan daw han manok in kinahanglan nga ada la ha P200 ngada ha P210 kada kilo.
