TACLOBAN CITY – Padayon an gindudumara nga imbestigasyon han mga kapulisan kasumpay han natabo nga shooting incident ha gawas han RTR Hospital ha Calanipawan, siyudad han Tacloban.
Una hini in ginpusil-patay ha sakob han iya sarakyan an biktima nga ginkilala nga hi Jayson Golong, 43 anyos, anak hiin anay city prosecutor ngan residente han V&G Subdivision, Tacloban City.
Basar ha inisyal nga imbestigasyon, nga nakag angkun hin magkadurudilain nga inig-an hin bala an biktima nga nagin hinungdan han iya dayun nga kamatayun.
Maabot naman ha 23 nga basiyo hin bala an nakuha ha crime scene.
Sumala kan PCapt. Edwin Cañamaque, station commander han San Jose Police Station 1, hapagkayana in tanan nga anggulo in ira ginhihingita maypaghisumpay ha mao na insidente.Nanawagan naman ini ha mga witness o nagpakakita ha mao nga panmusil nga makipagkoordinar ha ira agud nga masoblar an mao nga kaso.
Mababaruan nga dida nga dida la han nakalabay nga mga semana in usa gihapon nga panmusil-patay an natabo ha may Abucay Terminal ha Tacloban kun diin an biktima in usa nga anay pulis.
