NATIONAL NEWS-Ginbatikos ni Vice President Sara Duterte an imbestigasyon han administrasyong Marcos kontra ha water firm nga gintatag-iyahan han pamilya Villar, kumo usa nga “politikal na maniobra” kontra ha mga kaaway nga waray kapas bayaran o hadlukon an gobyerno.
Ine in kasunod ha mando ni Pangulong Ferdinand Marcos Jr. nga imbestigaran an water utility company mahuman nga uranon ine hin reklamo han mga kostumer kasumpay ha kawaray tubig o maluya nga pressure ha pira nga mga lugar.
Subay ha Malacañang, seryoso an Pangulo ha pagbaton han nasabi nga isyu, ngan may epekto ine ha panlawas ngan kalidad han publiko.
Ha kampo naman ni Duterte, klaro nga an panuyo han aksyon in gubaon an ka-atbang ha politika, partikular na an anak ni anay Senador Manny Villar, hi Deputy Speaker Camille Villar, nga kandidato hiton Senado ngan makugot nga kabang-bang ni Senadora Imee Marcos, bugto hiton Pangulo, para ha urhi nga pwesto han Magic 12.
