Gin anunsyo han Commission on Elections (Comelec) nga nahuman na an imbestigasyon ha dire pagdedeklara ni Senador Rodante Marcoleta han pira nga election donors ha iya Statement of Contributions and Expenditures (SOCE) para ha piniliay hadton Mayo 2025.
Sumala kan Comelec Chairman George Erwin Garcia, nahuman na han Political Finance and Affairs Department (PFAD) an imbestigasyon ngan nakan-andam na ine magpagawas hin resolusyon.
Ha iya counter-affidavit, iginduon ni Marcoleta nga an mga donasyon in iginhatag ugsa pa hiya igdeklara nga kandidato, subay ha desisyon han Korte Suprema ha kaso nga Penera vs. Comelec, nga nagpapahayag nga iginkokonsidera la nga kandidato an usa nga aspirant ha syahan nga adlaw han campaign period.
Hadton Nobyembre 2025, nagpagawas an COMELEC hin show cause order kasumpay ha daw dire kompleto nga pagdedeklara hin donors ngan ginyayakan nga discrepancy ha butnga han iya SOCE ngan Statement of Assets, Liabilities, and Network (SALN).
Nauna na nga gin amin han senador nga waray niya ig upod an pira nga kontribusyon mahitungod nga umaro hin anonymity an mga donor.
Ha iya SOCE, nakasurat nga gumastos hiya hin P139.9 milyon ha kampanya, mas hitaas ha iya gindeklara nga net worth nga P51.9 milyon, ngan naghipatik hin zero donations.
